പഞ്ചമഹായജ്ഞങ്ങൾ

*ഗൃഹസ്ഥാശ്രമികൾ നിത്യവും നടത്തേണ്ട പഞ്ചമഹായജ്ഞങ്ങൾ*

1) ബ്രഹ്മ യജ്ഞം
2) ദേവ യജ്ഞം
3) പിതൃ യജ്ഞം
4) ഭൂത യജ്ഞം
5) അതിഥി യജ്ഞം

1)ബ്രഹ്മ യജ്ഞം - ഈശ്വര പ്രാർത്ഥനയും സ്വാധ്യായവും (ധർമ്മ ഗ്രന്ഥങ്ങൾ മനസ്സിരുത്തി വായിക്കുന്നത് )


2)- ദേവ യജ്ഞം - അന്തരീക്ഷശുദ്ധി, മന:ശുദ്ധി, ദുർഗന്ധനിവാരണം ,കൃമി കീടങ്ങളെ ഇല്ലാതാക്കൽ എന്നിവയ്ക്കു വേണ്ടി നടത്തുന്ന ഹോമങ്ങൾ

3) - പിതൃ യജ്ഞം - മാതാപിതാക്കൾ, ഗുരുക്കന്മാർ, മുതലായ പൂജനീയരെ ശ്രദ്ധയോടെ പരിചരിക്കുന്നത് പിതൃ യജ്ഞം. അഞ്ച് തരം പിതൃക്കൾ ഉണ്ടെന്നാണ് ആചാര്യ മതം.മാതാപിതാക്കൾ, പ്രധാനഗുരു, അദ്ധ്യാപകർ, ഭക്ഷണം തരുന്നയാൾ, ഭയത്തിൽ നിന്നും രക്ഷിക്കുന്നവർ '


4) - ഭൂത യജ്ഞം - ഉറുമ്പ്, കാക്ക, മുതലായജീവികൾ നമ്മെ സഹായിക്കുന്നവയാണ്. അവ പരിസരം ശുദ്ധമാക്കുന്നു, അഴുക്കുകൾ തിന്നു തീർക്കുന്നു..... അങ്ങിനെ അതുകൊണ്ട് അവയ്ക്കും സ്വല്പം ആഹാരം നാം നൽകണം.


5) അതിഥി യജ്ഞം - മുൻകൂട്ടി അറിയിക്കാതെ (തിഥിയില്ലാതെ ) വന്നു ചേരുന്ന വിദ്വാന്മാരും ധർമ്മിഷ്ഠരുമായ സത്യോപദേശികളാണ് അതിഥി. . അവരെ ആദരിച്ച് സത്കരിക്കണം.
വിശേഷം - നാം കൊടുക്കുന്ന ആഹാരവും സൽക്കാരവും സ്വീകരിച്ച്, അയൽപക്കത്തുള്ളവരുടെയും, ബന്ധുമിത്രാ ദികളുടെയും, നുണകൾ പറഞ്ഞ് ഏഷണി ഉണ്ടാക്കി കുംടുംബഭദ്രത തകർക്കുന്നവരെയല്ല നാം അഥിതിയായി സ്വീകരിക്കേണ്ടതെന്ന് പ്രത്യേകം ഓർക്കുക.)ഈ അഞ്ചുമാണ് ഗൃഹസ്ഥന്റ പഞ്ചമഹായജ്ഞങ്ങൾ